Алтынньы  30 күнэ, 2019 сыл

Бээдитээҕи 4№ - дээх «Туллукчаан» оҕо саада

  Ийэ күнүгэр аналлаах аралдьытыы сценарийа.

Үүммүт үтүө күнүнэн  иитиллээччилэрбит,

күңңэ тэңнээх истиң, иһирэх Ийэлэрбит!

Бүгүн  биһиги группабыт иһинэн Ийэ күнүн бэлиэтээри муһуннубут.

Республикабыт маңнайгы президенин Михаил Ефимович Николаев ыйааҕынан быйыл 25-с төгүлүн алтынньы үһүс өрөбүлүгэр Ийэ күнүн бэлиэтиибит.

Ийэ диэн - биһиэхэ олоҕу бэлэхтээбит  аанньал, сиргэ түһэрбит таңара буолар. Хас биирдиибитигэр Ийэбит – тыынар салгыммыт, өлбөт мэңэ уубут, сарсыңңы күммүт саһарҕата. Күндү  ийэлэрбитигэр анаан «Ийэм миэнэ- күнүм тэҥэ» монтажпытын  бэлэх уунабыт. (Оҕолор хоһоонноро, ырыалара)

Күндү ийэлэрбит! Бүгүн биһиги эһиэхэ 4 түһүмэхтээх оонньууну уонна истиҥ иһирэх эҕэрдэлэрбитин бэлэмнээтибит. Оонньуубутугар көхтөөх кыттыыны ыларгытыгар ыңырабыт!

1.     Бастакы түһүмэхпит аата «Оҕо хараҕынан» диэн. Биирдии-биирдии оҕолорбут уруһуйунан бэйэбитин булабыт.

Биһиги үчүгэй дьон буоларбыт туһугар өрүү кыһанаҕыт, арыт-арыт мөхтөргүт да искитигэр аһына саныыгыт. Ырыа  “Ийэ күнэ биһиэхэ” (Бары ырыа ыллыыллар)

2.     Иккис түһүмэхпитигэр киирэбит. Оонньуубут «Оҕобут саҥата». Манна оҕолорбут наһаа минньигэстик, истиҥник “Ийээ” диэн ыҥырыыларынан, бэйэбит  оҕолорбутун таайабыт.

Аан бастаан төрөөбүт тылбытынан саңарарга үөрэппит дьоммутунан эһиги, күндү Ийэлэрбит,  буолаҕыт. Төрөөбүт тылбытынан санаабытын сайа этэбит. Төрөөбүт сахабыт сирин күһүнүн туһунан хоһоону эһиэхэ бэлэх уунабыт. Михаил Тимофеев «Күһүн». (О5олор бары хоһоон аа5аллар)

3.     Үһүс түһүмэхпит «Алаадьыны хап» диэн. Ийэлэр бука бары наьаа асчыттар, онтон алаадьы саха ыалыгар саамай мааныланар ас. Сиргэ түһэрбэккэ алаадьыны хобордооххо түһэриэхтээхпит.

Хас биирдии ийэҕэ төрөппүт оҕото кырачаан чыычаахха холонор. Таптаан “Мин чыычааҕым” диэн үгүстүк ыҥырарын истэбит. Эһиэхэ анаан кыра бөлөх оҕолоро «Чыычаах» диэн ырыаларын ыллаан иһитиннэриэхтэрэ.

4.     Төрдүс түһүмэхпит “Имигэс тарбахтар” манна ким саамай тургэнник баттах өрөр эбитий.

Оҕолорбут толорууларыгар ырыа “Куобах”

Асчыт ийэлэр ойуурга үүнэр тэллэйинэн араас аһы буһаран, астаан таһаараллар. Онон дьиэ кэргэннэрин үөрэ – көтө күндүлүүллэр. Хоһоон “Тэллэй” ааҕаллар улахан бөлөх оҕолоро.

Күндү ийэлэрбит! Эһиги истиң, иһирэх сыһыаңңыт, уҕараабат тапталгыт, муңура суох сүбэҕит, өйөбүлгүт биһигини үгүс ситиһиигэ кынаттыыр.

Эһигини өссө төгүл Ийэлэр күннэринэн итиитик-истиңник эҕэрдэлиибит! Баҕарабыт Сир үрдүгэр баар бары кэрэни, үчүгэйи, доруобуйаны, үлэҕитигэр ситиһиини!

Биһиги туспутугар ахсаабат кыһамньыгыт, сылаас тапталгыт, муударай сүбэҕит иһин барҕа махтал тылларын этэбит!

Күндү ийэлэрбит! Эһиэхэ сэмэй бэлэхпитин туттарабыт.