Бээдитээҕи 4 № - дээх “Туллукчаан” оҕо саада
Ахсынньы 26 күнэ 2019 сыл
Оруолларга: “Күөрэгэй” остуоруйа геройдара, Тымныы оҕонньор, Хаарчаана, Саҥа Дьыл, Микки уонна Минни Маустар
· Группа бырааһынньыктыы киэргэтиллибит.
· Саҥа дьыллааҕы фоновай музыка тыаһыыр.
Ыытааччы:
Күндү оҕолор,
Төрөппүттэр, ыалдьыттар!
Ыҥырабыт барыгытын залга,
Күлүмүрдүү киэргэммит
Дьикти кэрэ елкаҕа.
Ыҥырабыт залга
Ырыа – тойук ыллаарыбыт,
Үҥкүү- битии көрөөрүбүт,
Көрү – нары көҕүлүү,
Саҥа Дьыллааҕы эҕэрдэни бэлэхтии.
· Залга мустубуттарын кэннэ курант тыаһа тыаһыыр.
· Фоновай музыка салгыы барар.
Ыытааччы: Дьэ- эрэ оҕолоор, остуоруйа истэргитин сөбүлүүгүт дуо? Бүгүн эһиэхэ Саҥа дьыллааҕы дьиктилээх остуоруйаны бэлэхтиэхпит. Бары чуумпуран, болҕойон олорон көрүөҕүн.
“Күөрэгэй” (театральнай туруоруу көрүүтэ).
Ыытааччы: Олус да үчүгэй остуоруйаны көрдүбүт. Остуоруйаттан сылыктаатахха быйыл ханнык сыл үүнэр эбитий, оҕолоор?
Оҕолор: Кутуйах сыла
Ыытааччы: Бугун эмиэ Сана Дьыл күнэ үүннэ. Бүгүн эмиэ биһиэхэ киэргэллээх харыйа ыалдьыттыы кэллэ. Хайдах,туох киэргэллээх эбитий?
Оҕолор: Оонньуурдар, хаардар,мишура киэргэллээх.
Ыытааччы: Уонна оҕолоор, харыйабытыгар туга тиийбэтий?
Оҕолор: Уота суох!
Ыытааччы: Кырдьык да уота суох. Оҕолор харыйа уотун умай диэн көрдөһүөҕүн эрэ.
Оҕолор: Умай, умай
Киэргэллээх харыйа! (Харыйа уота умайар, бары таһыналлар).
Тымныы Моруос: Эҕэрдэтэ
Хаарчаана: Күүтүүлээх күҥҥүтүгэр, күндү ыалдьыт буоламмыт
“Туллукчаан” детсадка тэринэммит кэллибит.
Кэллибит бырааппынаан, кырдьаҕас эһээбинээн
Эһигини үөрдээри Саҥа дьылы аһаары.
Үчүгэйкээн кэһиибитин оҕолорго биэрээрибит.
Саҥа Дьыл: Үүнэр сылы арыйа, үөрүү – көтүү үксээтэ,
Үҥкүү- битии аргыстаах, кэллим хоһоон кэһиилээх.
Үгүс элбэх үөрүүнү, үтүө- сырдык санааны,
Дьоллоох кэрэ түгэни түстүү кэллим Саҥа дьыл!
(Музыкальнай номердар)
Үрүҥ хаары кыыдамната
Кыыдаан кыһын үллүйдэ,
Үтүө кэми – Саҥа сылы
Сиргэ сиэтэн түһэрдэ.
1. Эһигини эҕэрдэлииллэр орто бөлөх оҕолоро.
Дорообо, Саҥа дьылбыт!
Дорообо харыйачаан!
Ыллыаҕыҥ- туойуоҕуҥ,
Музыканы тардыаҕыҥ!
2. Кырачаан бөлөх оҕолоро Моруос оҕонньорго бэлэмнээбит хоһооннорун ааҕаллар.
Маленькой елочке
Холодно зимой.
Из лесу елочку
Взяли мы домой.
Сколько на елочке
Шариков цветных,
Розовых пряников,
Шишек золотых!
3. (Ырыа «Наша елка» уолаттар толорууларыгар).
Иһэр эбит до5оттоор,
Саҥа дьылбыт барахсан.
Үлүскэннээх үөрүүлээх,
Үгүс элбэх кэһиилээх.
4. Бэлэмнэнии бөлөх оҕолорун э5эрдэлэрэ (хоһооннорун ааҕаллар)
Үтүлүкпэр тэлээрэн
Үрүҥ кыырпах хаарчааннар,
Дьикти ойуу тиһэннэр,
Кэлэн сэмээр түспүттэр.
Илдьэн биэриэм эбээбэр,
Тигиэ ойуу маанытын,
Куруһуба оһуорун,
Күлүмүрдүүр кэрэтин.
5. (Кыргыттар толорууларыгар Үҥкүү “Кыракый Хаардар”)
Оҕолор таһырдьа тахсаннар,
Сибиэһэй салгыҥҥа оонньууллар
Кыра хаар улаатар мээчиги,
Суол устун эргитэ сүүрэллэр,
Улахан хаар киһи оҥорон,
Астынан үөрэллэр- көтөллөр.
6. (үҥкүү “Хаар дьоннор”)
Күөх харыйа киэргэммит,
Элбэх оонньуур иилиммит,
Оҕо аймах мустубут,
Саҥа дьылбыт бу кэлбит.
7. Ырыа “Саҥа дьыл- аптаах остуоруйа” (бары)
8. Ырыа “Биһиэхэ ыалдьыттыы Тымныы оҕонньор кэллэ” (Кыргыттар)
9. Ырыа “Вот какая елочка” (бары)
Тымныы оҕонньор: Наһаа да талааннаах оҕолор эбиккит. Маладьыастар! Улааппыккыт, дьоһун дьон буолбуккут. Мин эрэллээх доҕотторум бука баһаалыста көрдөһүүбүн толорон, оҕолорго аҕалбыт кэһиилэрбин атым көлөтүттэн бу дьиэҕэ киллэрэн кулуҥ эрэ. Күүтүүлээх түгэммит дьэ тиийэн кэллэ, оҕолоор! Кырачаан доҕотторбор, эһиэхэ кэһиилэрбин биэрэбин!
(JingleBells музыка тыаһыыр. Тымныы оҕонньор подароктары түҥэттиир)
Тымныы оҕонньор: Дьэ, үчүгэй да оҕолорго ыалдьыттаатым. Аны атын дойдуларга айанныыбын. Эһиги курдук оҕолору көрсүөҕүм. Эһиил баччаҕа кэлэрбэр өссө улаатан көрсөөрүҥ. Дьоҥҥутугар туһалаах дьон буолаарыҥ,
Саҥа дьылынан, Саҥа дьолунан!
Көрсүөххэ диэри, күндү оҕолоор!
