Бээдитээҕи 4 № - дээх “Туллукчаан” оҕо саада

Ахсынньы 27 күнэ 2018 сыл

Оруолларга: Ыт, Сибиинньэ, Тымныы оҕонньор, Хаарчаана, Саҥа Дьыл

·       Группа бырааһынньыктыы киэргэтиллибит.

·       Саҥа дьыллааҕы фоновай музыка тыаһыыр.

·       Киэргэммит саалаҕа Моруос оҕонньор соҕотоҕун хаама сылдьар.

Тымныы оҕонньор Хайа манна оҕолор суохтар эбит ди. Мин бырааһынньыктаан ырааппыттара буолуо дии санаабытым. Ээ манна төрөппүт бөҕө, ыалдьыт бөҕө мустубут эбит ди.

Онтон кырачааннарбытын ыҥырыаҕын эрэ. Саамай кинилэри көрсөөрүбүн кэлбитим.

Саҥа кэрэ Дьылынан!

Саҥа үтүө Дьолунан!

Саҥа үрдүк үөрүүнэн!

Күндү, оҕолоор, эҕэрдэ!

 

 

Ыытааччы:     Моруос оҕонньор дорообо, сылайбытын буолуо, соһуччу манна кэлбит эбиккин ди.   Бу олоппоско кэлэн олор.         

Күндү оҕолор,

Төрөппүттэр, ыалдьыттар!

Ыҥырабыт барыгытын залга,

Күлүмүрдүү киэргэммит

Дьикти кэрэ елкаҕа.

Ыҥырабыт залга

Ырыа – тойук ыллаары,

Көрү – нары көҕүлүү,

Саҥа Дьыллааҕы эҕэрдэни бэлэхтии.

 

 

·       Залга мустубуттарын кэннэ курант тыаһа тыаһыыр.

·       Фоновай музыка салгыы барар.

 

Ыт:  Дорооболоруҥ, оҕолоор! Хайа, бу  туох бырааһынньыга буолан манна муһуннугут?

Оҕолор эппиэттэрэ …                                          

Ыт: Остуоруйа истэргитин сөбүлүүгүт дуо? Мин бүгүн эһиэхэ Саҥа дьыллааҕы дьиктилээх остуоруйаны кэпсээрибин кэлэн турабын.

Арай биирдэ мин элбэх доҕордонуохпун баҕаран доҕотторбун көрдүү баран испитим.  Баҕа санаабын Саҥа дьыл буолар аптаах түүнүгэртолороору.

1.     Үөрэн- көтөн Англия Киттингли диэн дэриэбинэтин устун баран истим, ол баран иһэн кырачаан Фея кыргыттары көрсүбүт. Феялар Англияҕа бастаан баар буолбуттар эбит. Манна эмиэ кырачаан Феялар бааллар эбит, кинилэр эҕэрдэлэрин тиэрдэллэр. (үҥкүү Волшебный бал) Наһаа үчүгэй үҥкүү эбит мин кинилэри доҕоттор оҥостор эбиппин.

2.     Дьээрэ аны Исландияҕа тиийдим. Онно тиийбитим доҕоор кып - кыра гномнар утары сүүрэн таҕыстылар. Гномнар уонна Эльфтар дойдулара Исландия. Манна ыаллар кинилэри убаастаан дьиэлэрин таһыгар мас дьиэлэри кытта тутар эбиттэр. Гномнар наһаа кыраттан хомойоллор, хаппырыыстаналлар эбит, ол да буоллар наһаа үлэһиттэр. Хараҥаҕа үчүгэйдик көрөллөр. Уой, манна кырачаан гномнар эмиэ бааллар эбит ди, кинилэр эмиэ бэйэлэрэ эҕэрдэлээхтэр. (Үҥкүү Гномики) Бу гномнар эмиэ миэхэ доҕор буолуохтара дии.

 

3.     Салгыы хааман иһэбин, хааман иһэбин. Ол иһэн Улуу Устюг куоракка тиийэн кэллим. Онно баар эбит дьиҥнээх Моруос оҕонньор дыбарыаһа, дьиэтэ уота. Кини эһиэхэ Туллукчаан оҕолоругар эҕэрдэтин ыытта. Ону бары чуумпуран олорон көрүөххэйиҥ эрэ. (Моруос эҕэрдэтин истии)

4.     Онтон дьэ Уус Алдан улууһун Бээди бөһүөлэгин устун баран иһэн, уулусса ортотугар Сибиинньэни көрсө түстүм. Кинини доҕор оҥостон бу эһиги детсадкытын ыйдаран  киирэн кэллибит. (Ыт Сибиинньэни сиэтэн киирэн кэлэллэр)

5.     Онно оҕо аймах тоҕуоруһа мустубут сирэ эбит. Миэхэ оҕолор үҥкүүлээн  көрдөрүөхтэрин баҕарбыттар. (үҥкүү Хаар дьоннор). Бу оҕолору эмиэ мин наһаа үчүгэй доҕоттор оҥостор эбиппин.

6.     Сибиинньэ оонньуу оонньотор.

Тымныы оҕонньор Мин сиэнэ кыыстах этим ди, айаннаан иһэллэр ону утары баран ыҥырын эрэ бу Хаар дьоннор. (Хаар дьоннор сиэнэ кыыһы Хаарчаананы уонна Саҥа үүнэр2019  дьылы киллэрэллэр.)

Хаарчаана:               Саҥа дьылы таптыыбын, Саҥа дьылга үөрэбин

Эһиэхэҕэ оҕолорго ыалдьыт буолан кэлэрбин,

Миигин кытта тэбис тэҥҥэ

Кыыллар тыаны киэргэттилэр

Харыйаны төгүрүччү хоробуоттаан көттүлэр.

Саҥа дьылга бука бары ырыа, үҥкүү үөрэтэбит.

Тымныы эһээ кэһиилэрин олус олус кэтэһэбит.

Саҥа Дьыл

 

Тымныы оҕонньор Ноо! Мэлдьи күөх харыйабын оҕолорум киэргэппиттэр, олус бэркэ симээбиттэр! Онтон мин харыйаны күлүм-чаҕыл уотунан тупсаран биэриим дуу.

(Харыйа диэки тиийэр)

 

Биир, икки, үс! (торуоскатынан муостаны охсор)

Харыйам уота умай!           

(Музыкальнай номердар)

 

7.     Үтүлүкпэр тэлээрэн

Үрүҥ кыырпах хаарчааннар,

Дьикти ойуу тиһэннэр,

Кэлэн сэмээр түспүттэр.

Илдьэн биэриэм эбээбэр,

Тигиэ ойуу маанытын,

Куруһуба оһуорун,

Күлүмүрдүүр кэрэтин.  (Кыргыттар толорууларыгар Ырыа Хаар, хаар)

8.     Маленькой елочке

Холодно зимой.

Из лесу елочку

Взяли мы домой.

Сколько на елочке

Шариков цветных,

Розовых пряников,

Шишек золотых!  (Ырыа Наша елка уолаттар толорууларыгар).

9.     Кырачаан бөлөх оҕолоро Моруос оҕонньорго бэлэмнээбит хоһооннорун ааҕаллар.

10.  Орто Бөлөхтөр хоһоонноро

11.  Улахан уонна Бэлэмнэнии бөлөх оҕолорун хоһоонноро

12.  Кыра бөлөх оҕолорун толоруутугар ырыа Биһиэхэ ыалдьыттыы Моруос кэллэ.

13.  Ырыа Эргичийдэ Хоровод улахан бөлөхтөр толорууларыгар.

 

Тымныы оҕонньор: Наһаа да талааннаах оҕолор эбиккит. Маладьыастар! Улааппыккыт, дьоһун дьон буолбуккут.

Мин эрэллээх доҕотторум, Ыт, Сибиинньэ бука баһаалыста көрдөһүүбүн толорон, оҕолорго аҕалбыт кэһиилэрбин атым көлөтүттэн бу дьиэҕэ киллэрэн кулуҥ эрэ.

 

Ыт, Сибиинньэ: Киллэрэн бөҕө буоллаҕа дии.

(Ыт, сибиинньэ  тахсан бараллар.

JingleBells музыка тыаһыыр, төттөрү сүүрэн киирэллэр)

 

Ыт, Сибиинньэ: Тымныы оҕонньор! Иэдээн-иэдээн, кэһиилэриҥ саһан хаалбыттар. Көрдөөн көрдүбүт да булбатыбыт.

 

Тымныы оҕонньор: Тыый, ол туох буоллахтарай?  Бээ эрэ, онтон мин аҥар үтүлүгүм эмиэ суох дии. Ханна саспыт буоллаҕай? Ол эрэн миигиттэн саһар уустук буолуо: «Аптаах торуоскам, сүтүктэри булан кулуй!» - дии-дии торуоскатынан муостаны тоҥсуйар, Симэммит харыйа диэки барар. «Тоҕо эрэ торуоскам мантан арахсыан баҕарбат, арааһа харыйа анныгар саспыттар быһыылаах», - диэн баран маҥан таҥас анныттан үтүлүгүн аҥарын, кэһиилэри таһаарар.

 

Күүтүүлээх түгэммит дьэ тиийэн кэллэ, оҕолоор! Кырачаан доҕотторбор, эһиэхэ кэһиилэрбин биэрэбин!

(JingleBells музыка тыаһыыр. Тымныы оҕонньор подароктары түҥэттиир)

 

Тымныы оҕонньор: Дьэ, үчүгэй да оҕолорго ыалдьыттаатым. Аны атын дойдуларга айанныыбын. Эһиги курдук оҕолору көрсүөҕүм. Эһиил баччаҕа кэлэрбэр өссө улаатан көрсөөрүҥ. Дьоҥҥутугар туһалаах дьон буолаарыҥ,

                                                           Саҥа дьылынан, Саҥа дьолунан!

                                                           Көрсүөххэ диэри, күндү оҕолоор!